ಗದಗ ಏ ೧೭ : ಗದಗ ಪ್ರಾದೇಶಿಕ ಸಾರಿಗೆ ಕಚೇರಿ ಸಿಬ್ಬಂದಿ ವರ್ಗದವರು ತಪಾಸಣಾ ಸಮಯದಲ್ಲಿ ಸೂಕ್ತ ದಾಖಲಾತಿಗಳನ್ನು ತೋರಿಸದೇ ಇರುವ ವಾಹನಗಳನ್ನು ಮುಟ್ಟುಗೋಲು ಹಾಕಿಕೊಂಡಿರುತ್ತಾರೆ. ಸದರಿ ವಾಹನಗಳ ಮಾಲೀಕರಿಗೆ ಈಗಾಗಲೇ ಹಲವು ಬಾರಿ ಸೂಚಿಸಲಾಗಿದೆ. ಆದರೂ ಇದುವರೆಗೆ ತಮ್ಮ ವಾಹನಗಳನ್ನು ಬಿಡಿಸಕೊಳ್ಳಲು ಆಸಕ್ತಿ ತೋರಿರುವುದಿಲ್ಲ. ಆದಕಾರಣ ಸಂಬಂಧಿಸಿದ ವಾಹನಗಳ ಮಾಲೀಕರು ಸೂಕ್ತ ದಾಖಲೆ ನೀಡಿ ೧೫ ದಿನಗಳೊಳಗೆ ವಾಹನಗಳನ್ನು ಬಿಡಿಸಿಕೊಳ್ಳಬೇಕು. ತಪ್ಪಿದಲ್ಲಿ ಕಾನೂನಾತ್ಮಕವಾಗಿ ವಿಲೇವಾರಿಗೆ ಕ್ರಮ ಕೈಗೊಳ್ಳಲಾಗುವುದು ಎಂದು ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳ ಕಚೇರಿ ಪ್ರಕಟಣೆ ತಿಳಿಸಿದೆ. ಹೆಚ್ಚಿನ ಮಾಹಿತಿಗಾಗಿ ಲಕ್ಷ್ಮೇಶ್ವರ ರಸ್ತೆಯಲ್ಲಿನ ಗದಗ ಪ್ರಾದೇಶಿಕ ಸಾರಿಗೆ ಅಧಿಕಾರಿಗಳ ಕಚೇರಿ , ದೂರವಾಣಿ ಸಂಖ್ಯೆ ೦೮೩೭೨-೨೯೭೨೧೯ ಸಂಪರ್ಕಿಸಬಹುದಾಗಿದೆ.
ವಾಹನಗಳ ಮಾಲೀಕರುಗಳ ಗಮನಕ್ಕೆ
