ಗದಗ ಜುಲೈ ೧೮: ಮುಂಡರಗಿ ತಾಲೂಕಿನ ೧೭- ಮುರಡಿ ವ ಮುರಡಿ ತಾಂಡಾದ ಸದಸ್ಯರ ಪದಾವಧಿಯು ಮುಕ್ತಾಯವಾಗಿರುವುದರಿಂದ ಸಾರ್ವತ್ರಿಕ ಚುನಾವಣೆ ಹಾಗೂ ಡೋಣಿ ಗ್ರಾಮ ಪಂಚಾಯ್ತಿಯ ಖಾಲಿ ಇರುವ ಸ್ಥಾನಗಳಿಗೆ ಉಪ-ಚುನಾವಣೆಗೆ ಜುಲೈ ೨೩ ರಂದು ಮತದಾನ ಜರುಗಲಿದೆ. ಚುನಾವಣೆ ಘೋಷಣೆ ದಿನಾಂಕದಿಂದ ಚುನಾವಣೆ ಪ್ರಕ್ರಿಯೆಗಳು ಪೂರ್ಣಗೊಳ್ಳುವವರೆಗೆ ಶಾಂತಿ ಸುವ್ಯವಸ್ಥೆ ಕಾಪಾಡುವ ಹಿತದೃಷ್ಟಿಯಿಂದ ಮುನ್ನೆಚ್ಚರಿಕೆ ಕ್ರಮವಾಗಿ ಗದಗ ಜಿಲ್ಲೆಯ ಮುಂಡರಗಿ ತಾಲೂಕ ೧೭- ಮುರಡಿ, ಮುರಡಿ ತಾಂಡಾ (ಮಾರುತಿ ನಗರ) , ಚಿಕ್ಕವಡ್ಡಟ್ಟಿ ಮತ್ತು ಗುಡ್ಡದ ಬೂದಿಹಾಳ ಹಾಗೂ ೨- ಡೋಣಿ ಗ್ರಾಮ ಪಂಚಾಯತಿಯ ಡೋಣಿ-೧ ವ್ಯಾಪ್ತಿಯಲ್ಲಿ ಆಯುಧ ಲೈಸನ್ಸ್ ಹೊಂದಿದವರು ತಮ್ಮ ಆಯುಧಗಳನ್ನು ಸಂಗಡ ಕೊಂಡೊಯ್ಯುವುದನ್ನು ನಿಷೇಧಿಸಲಾಗಿದೆ.
ಯಾವತ್ತೂ ಆಯುಧಧಾರಕರು ತಮ್ಮ ಆಯುಧಗಳನ್ನು ಜುಲೈ ೧೯ ರೊಳಗಾಗಿ ತಮ್ಮ ಸಮೀಪದ ಆರಕ್ಷಕ ಠಾಣೆಯಲ್ಲಿ ಠೇವಣಿ ಮಾಡಿ ರಶೀದಿ ಪಡೆಯತಕ್ಕದ್ದು. ಗ್ರಾಮ ಪಂಚಾಯತಿಗಳ ಸಾರ್ವತ್ರಿಕ / ಉಪ ಚುನಾವಣೆ ಜುಲೈ ೨೦೨೩ ಪ್ರಕಿಯೆ ಮುಗಿದ ಕೂಡಲೇ ಠೇವಣಿ ಮಾಡಲಾದ ಆಯುಧಗಳನ್ನು ಅವುಗಳ ಮಾಲೀಕರಿಗೆ / ಅವರ ವಾರಸುದಾರರಿಗೆ ಯಾವುದೇ ನಿರ್ದೆಶನಗಳಿಗೆ ಕಾಯದೇ ಪರತ ಮಾಡತಕ್ಕದ್ದು. ಈ ಆದೇಶವು ನಗರ ಸ್ಥಳೀಯ ಸಂಸ್ಥೆಗಳ ಪ್ರದೇಶಗಳಿಗೆ ಹಾಗೂ ವಿವಿಧ ಹಣಕಾಸು ಸಂಸ್ಥೆಗಳ ಭದ್ರತಾ ಪಡೆಯ ಸಿಬ್ಬಂದಿಗಳಿಗೆ ಅನ್ವಯಿಸುವುದಿಲ್ಲ. ಜಿಲ್ಲಾ ಆಯುಧ ಠೇವಣಿ ಕುರಿತು ಜಿಲ್ಲಾ ಸ್ಕ್ರೀನಿಂಗ್ ಕಮೀಟಿ ರಚಿಸಿದ್ದು ಸದರಿ ಆದೇಶದನ್ವಯ ಕ್ರಮ ವಹಿಸತಕ್ಕದ್ದು. ಈ ಆದೇಶವು ಗದಗ ಜಿಲ್ಲಾ ಮುಂಡರಗಿ ತಾಲೂಕ ೧೭- ಮುರಡಿ, ಮುರಡಿ ತಾಂಡಾ (ಮಾರುತಿ ನಗರ) , ಚಿಕ್ಕವಡ್ಟಟ್ಟಿ ಮತ್ತು ಗುಡ್ಡದಬೂದಿಹಾಳ ಹಾಗೂ ೨-ಡೋಣಿ ಗ್ರಾಮ ಪಂಚಾಯತಿಯ ಡೋಣಿ-೧ ಗ್ರಾಮ ವ್ಯಾಪ್ತಿಗೆ ಮಾತ್ರ ಅನ್ವಯಿಸುತ್ತದೆ ಎಂದು ಜಿಲ್ಲಾಧಿಕಾರಿ ಮತ್ತು ಜಿಲ್ಲಾ ದಂಡಾಧಿಕಾರಿ ವೈಶಾಲಿ ಎಂ.ಎಲ್. ತಿಳಿಸಿದ್ದಾರೆ.
